Ministri Fatmir Limani ka reaguar me tone të ashpra ndaj situatës aktuale politike, duke e quajtur të papranueshme tendencën për të penguar atdhetarët dhe për të mbrojtur hajdutët. “Ndalimi i hajdutëve është i kuptueshëm, nga frika se ata shkatërrojnë ekonominë dhe zhysin vendin në varfëri të skajshme. Por pengimi i atdhetarëve, që zgjojnë vetëdijen për të drejtat e mohuara, është një akt frike nga ata që duan të kufizojnë lirinë,” deklaron Limani.
Limani thekson se historia dhe sakrificat për liri nuk mund të fshihen apo të trajtohen si turp, por duhet të jenë krenari për çdo shoqëri. “Hajduti e çon vendin drejt mjerimit, kurse veprimtari e lartëson demokracinë. Është e pabesueshme që politikanët tanë bien kaq poshtë, sa të kërkojnë dorëheqjen e një figure atdhetare që lufton për të drejtat e popullit, vetëm për të mbuluar dështimet e tyre,” shtoi ai.
Limani kritikoi ashpër nivelin e ulët të debatit politik, duke e cilësuar si një goditje ndaj vlerave themelore të shoqërisë dhe një përpjekje për të errësuar të vërtetën. “Ky është ankthi i kohës moderne – kur ata që duhet të mbrojnë popullin, kthehen kundër tij,” përfundoi ministri.
Reagimi i tij në Facebook:
