Në një zhvillim tronditës për skenën politike shqiptare në Maqedoninë e Veriut, Ali Ahmeti, lideri i Bashkimit Demokratik për Integrim (BDI), po akuzohet për tradhti kombëtare nga zëra të shumtë. Sipas burimeve të besueshme, Ahmeti ka mobilizuar strukturat e ngushta partiake për të negociuar një marrëveshje të turpshme me krahun e VMRO-DPMNE-së të drejtuar nga Sasho Mijalkov, një figurë e njohur për nacionalizmin e tij ekstrem dhe qëndrimet e hapura anti-shqiptare.
Mijalkov, i cili gjatë viteve ka qenë i përfshirë në afera të shumta kundër interesave të shqiptarëve, përfshirë rastet e montuara si Brodeci, Harun Aliu, Monstra dhe përleshjet tragjike të Lagjes së Trimave në Kumanovë, tani duket se është bërë partneri i ri i Ahmetit në këtë “pazar” politik. Këto raste, të cilat kanë lënë plagë të thella te shqiptarët, janë vetëm disa nga shembujt e strategjive të Mijalkovit për të nëpërkëmbur dhe fyer një popull të tërë.
Në qendër të këtij pazari famëkeq qëndron Kërçova, një bastion i rëndësishëm për shqiptarët në Maqedoninë e Veriut. Sipas akuzave, Ahmeti është gati ta “shesë” Kërçovën në këmbim të favorshme politike me VMRO-në e Mijalkovit, duke e vënë në rrezik kontrollin shqiptar mbi këtë komunë strategjike.
Ky veprim konsiderohet si një goditje e rëndë ndaj unitetit dhe dinjitetit të shqiptarëve në veçanti atyre që jetojnë në migrim, e kur kihet parasysh se Mijalkov dhe VMRO-ja e tij nuk kanë fshehur kurrë synimet për të dobësuar pozitën e shqiptarëve në vend.
Për të mbuluar këtë skandal dhe për të shmangur përgjegjësinë, Ahmeti dyshohet se po përgatit terrenin për t’ia hedhur fajin koalicionit tjetër shqiptar, VLEN, për çdo humbje të mundshme në Kërçovë. Ky manipulim i ulët, sipas informacioneve, synon të shpërqendrojë vëmendjen tek diaspora shqiptare e Kërçovës të cilët në çdo cikël zgjedhor kanë udhëtuar dhe dhënë mund që Kërçova të mos mbesë në duart e partive maqedone.
Pyetja që shtrohet tani është: A do të ketë drejtësi për këtë tradhti, apo Kërçova do të mbetet një viktimë e radhës e ambicieve personale të një lideri që ka harruar kauzën për të cilën dikur luftoi?
