Prokuroria Publike Themelore po heton gjithsej 11 persona, por ka kërkuar masën e paraburgimit vetëm për 8 prej tyre, ndryshe nga sa deklaroi kryeprokurori Lupço Kocevski.
Sipas informacioneve, ndaj 3 personave të tjerë nuk është kërkuar paraburgim për shkak se ndodhen të shtruar në spital.
“Prokuroria po zhvillon hetime ndaj 11 personave, duke kërkuar paraburgim për 8 prej tyre, ndërsa 3 të tjerët janë ende të hospitalizuar në gjendje të rëndë shëndetësore. Procedurat ndaj tyre do të vijojnë sapo gjendja e tyre të përmirësohet. Gjithashtu, po vijojnë veprimet për të vlerësuar përgjegjësinë e personave të tjerë,” thuhet në njoftimin e Prokurorisë.
